Teves, igsuon ug kaubanan gideklarar nga mga terorista

CEBU, Philippines —  Gipaabot sa Police Regional Office (PRO)-7 ang kamanduan gikan ilang national headquarters kun unsa ilang buhaton mahitungod sa pagtumbok sa Anti-Terrorism Council (ATC) kang suspended Negros Oriental Representative Arnolfo “Arnie” Teves Jr., ug laing 12 ka mga indibidwal isip mga terorista.

Sa ATC Resolution nga naaprubahan niadtong Hulyo 26, 2023 apan gipagawas lang kagahapong adlaw ginganlan nila ang suspendidong gobernador nga leader sa “Teves Terrorist Group.”

Lakip nga gitumbok sa ATC nga terorista ang igsuon ni Teves nga si Pryde Henry Teves ug sila si Rogelio Antipolo, Rommel Pattaguan, Winrich Isturis, John Louie Gonyon, Dahniel Lora, Eulogio Gonyon Jr., Tomasino Aledro, Nigel Electona, Jomarie Catubay ug Hannah Mae Sumero Onay.  Mipasangil ang ATC nga si Teves ug ang giingong armed group niini nakalapas sa Anti-Terrorism Act partikular na ang balaod sa Section 4 tungod matod pa sa paghimo og terrorismo, Section 6 gumikan sa pagplano, pagbansay, pagpreparar ug pag-facilitate sa paghimo og terrorism, Section 10 tungod sa recruitment ug membership sa terrorist organization ug Section 12 sa paghatag og material support sa mga terorista.

Sa napulo ka pahina nga resolution ilang gibutyag ang mga pagpatay ug pagpanghasi nga nahitabo sa Negros Oriental apil na ang masaker niadtong Marso 4,2023 sa Lungsod sa Pamplano diin nakalas si kanhi gobernador Roel Degamo ug laing siyam ka tawo makonsiderar nga binuhatan sa terorista.

Tungod niini mahimo ng ukayon ug i-freeze sa Anti-Money Laundering Council ang financial assets ug properties ni Teves ug mga kaubanan.

Si Police Lt. Col. Gerard Ace Pelare, tigpamaba sa PRO-7  mihangop sa maong deklarasyon kay nasubay kini ilang  mga kampanya pagpuhag sa mga armadong grupo sa Negros Oriental.

“We will base or move, our actions to the legal concepts that are present example if they have warrant of arrest we will act on it but this declaration by the Anti-Terrorism Council of these individuals as members of a terrorist group will elevate the fight that we have against armed groups because once declared by court that a certain group is a terrorist group there are measures that can be done already for example freezing of assets, restriction of travels, there could also be court authorize surveillance or casing or interception of messages,” sigon ni Pelare.  IBM (BANATNEWS)