Panagribal sa Gilas ug Iran nabanhaw
CEBU, Philippines — Nabanhaw ang higpit na panagribal sa Gilas Pilipinas ug Iran sa 2023 Heyuan WUS International Basketball Tournament sa Guangzhou, China. Ang maong pocket tournament magsilbing kabahin sa preparasyon sa Gilas sa umaabot nga FIBA World Cup karong Agosto 25,2023.
Ang maong torneyo langkuban sa tulo ka koponan, ang Pilipinas, Iran ug Senegal. Ang orihinal nga plano upat unta kini ka mga nasud apil ang Lebanon, apan miatras ang naulahi. Ang upat parehong nakasulod sa umaabot nga FIBA World Cup sa managlahing Groupings mao makatabng kanila ang maong torneyo sa China.
Apan haw-ang ang koponan sa Pilipinas sanglit wala sa nanguyog silang Kai Sotto, Ange Kouame, Justin Brownlee ug shooting guard nga si Scottie Thompson. Pagabot palang sa Gilas didto niadtong adlaw nga Martes, diretso dayon sila og praktis samtang wala pa magsugod ang duwa batok sa Iran.
Kahinumdoman nga makadaghang higayon ng nakabangga sa Gilas ang Iran sa Asian stages, kinsa may makalimot sa 2013 FIBA Asia Championship nga gihimo sa Manila? Napildi ang Pilipinas 85-71, apan bisan pa niini, nakasulod gihapon sa 2014 FIBA World Cup sa Spain. Mao kadto ang sinugdanan nga nakasulod na ang Gilas sa World Cup, ikatulo na kini karong tuiga.
Bisan wala silang Clarkson, Sotto ug Thompson, naa silang Ray Parks, Calvin Oftana, Junmar Fajardo ug Roger Pogoy karon sa China human ang tulo wala makakuyog sa Europe tune up games sa miaging buwan tungod sa ilang injuries. Ini og balik dinhi sa Pilipinas, gipaabot nga makaapil na sa ilang praktis ug posibleng tune-up game batok sa Mexico si Clarkson.
Atol unya sa FIBA, makabangga sa Pilipinas ang Dominican Republic, Italy ug Angola. —IBM
- Latest
