Ironman 70.3 philippines nagsugod na’g dawat og partisipante

CEBU, Philippines —  Gipahibalo Ironman 70.3 Philippines nga mas nindot ug kulbahinam para sa mga atleta ug mga tumatan-aw ang pagbalik na sa maong primera klaseng triathlon meet dinhi sa Sugbu sa sunod tuig dungan usab sa pagsaulog niini sa ika-10 ka tuig.

Ang Lapu-Lapu City gihapon maoy magpabiling venue isip top sporting and adventure destination sa nasud para sa triathlon nga himuon karong umaabot nga Abril 21, 2024 sumala pa sa report sa Philstar.com.

Ang IRONMAN 70.3 Lapu-Lapu magsilbi sab nga kabahin sa The IRONMAN Group’s 2023-2024 Season Pass and Flex 90. Pinaagi niini, hatagan ang mga atleta nga makasalmot sa nagkalainlaing IRONMAN ug 70.3 races sa Oceania ug Asya aron nga makadaginot o di sila makagasto og dako sa kada entry.

Sa Flex90, kadtong mga atletang nakaparehistro pwedeng magusab ang hunahuna ug pilion ang petsa sa luma nga ilang apilan nga dili kinahanglang mag penalty.

“Lapu-Lapu has been an integral part of the IRONMAN 70.3 in Cebu which has attracted participants from around the world the last 10 years,” matud pang Lapu-Lapu City Mayor Junard "Ahong" Quirante Chan sa report sa Philstar.com.

 “This time, we are very happy to host the event and showcase Lapu-Lapu’s beautiful locations and adventures that can only be experienced on our shores,” puno pa sa mayor.

Sa pagdagan sa mga katuigan, ang IRONMAN 70.3 Lapu-Lapu gibansagan na karong Crown Jewel of Asia nagkadako ug nakanindot kada tuig. Gani sa mga nanglabay nga mga edisyon niini, sold out pirme.

“This race has grown immensely over the last decade. Last year, we had close to 2,000 participants, which is a very high attendance rate for an event here in the Philippines, while still in soft lockdown. This year, we look forward to staging a full comeback to the festivities. The women’s field is growing, and we are looking forward to more participation from them (women),” matud pang Princess Galura, Regional Director of the IRONMAN Group Philippines. 

Ang IRONMAN 70.3 maglakip sa 1.9km langoy, 90km bisekleta  ug 21.1km nga dagan ug gipasalig nga prayoridad sa mga organizers ang kaluwasan sa tanan subay sa mga health measures sa siyudad.

“We are working closely with the organizers of IRONMAN events along with the traffic management, emergency services, medical facilities, and other necessary arrangements to ensure the safety and success of the races. The support of our local communities has been the epitome of Philippine hospitality and we look forward to a festive yet smooth positive experience for participants and spectators alike,”pasalig pang Chan.

Ang lumba anha manukad sa baybayon sa  The Mactan Newtown padung sa CCLEX Bridge lahus sa Cebu City diin himuon ang bike course (sa ikaduhang higayon).

Sa nakalabay nga 2022 IRONMAN 70.3 Philippines kampeyon silang August Benedicto ug Ines Santiago.

Ang IRONMAN nagsugod niadtong tuig 2012, liboan ka atleta ug supporters gikan sa 60 ka nasud ang nakabisita sa Mactan Island ug sa Sugbu alang sa maong makalingaw ug kulbahinam nga triathlon event sa kalibotan.

Ang Cebu nahimo ng host sa IRONMAN 70.3 Asia Pacific Championship niadtong 2016 ug 2018. 

“With the IRONMAN 70.3 back in Lapu-Lapu from taking a hiatus last year, we look forward to the event fostering not only a wholesome event for families and the community to enjoy but the augmenting of local economies through increased international and local tourism. We look forward to showcasing the amazing locations where the races will take place,”matud pang Rep. Ma. Cynthia Chan.

Ang mipaluyo sa maong event mao ang Vinfast, Active, Gatorade, Hoka, Roka, and Breitling; global technical partners Athletic Brewing Co., Fulgaz, Hyperice, Qatar Airways, Red Bull, Santini, Wahoo; Asia supplier partners Always Advancing, Compressport, Ekoi and Nirvana; media partners Outside+ and Sportograf.

Kagahapong adlawa nagsugod ang pagdawat sa mga triathletes nga gustong magparehistro.  Mahimo kining buhaton pinaagi sa  ironman.com/im703-cebu-philippines-register.— IBM