Apelyido sa batang illegitimate
Dear Atty. Divine,
Wa pa ma kasal ang akong igsuon ug ang amahan sa bata. Sa dihang nanganak akong igsuon, ang amahan sa bata tua sa abroad ug this year pa mouli. Nagsuporta siya sa bata apan tungod kay di siya makapirma sa birth certificate ang apelyido sa inahan sa bata ang among gigamit sa Birth Certificate sa akong pag-umangkon. Ang akong pangutana kun mouli na ang amahan mahimo ba nga mausab ang apelyido sa bata og isunod sa apelyido sa amahan? Daghang salamat.
Rebecca
* * *
Dear Rebecca,
Samtang wa pa ma-recognize sa amahan ang bata hayan ang apelyido sa iyang inahan gyud una ang gamiton sa birth certificate sa bata apan dapat wa siyay middle name. Kini basi sa mga nangaging desisyon sa Korte Suprema nga nagkanayon ang illegitimate nga bata nga mogamit sa apelyido sa iyang inahan dapat walay middle name. Apan kun siya i-recognize na sa amahan then mamahimo siyang mogamit sa apelyido sa amahan ug ang apelyido sa iyang inahan maoy iyang middle name. Busa kun mouli na ang amahan sa bata mamahimo siyang mo execute og Affidavit of Acknowledgment with Consent to Use His Surname og iyang i-submit ngadto sa Local Civil Registrar diin marehistro ang bata aron mausab ang apelyido sa bata sa iyang birth certificate. Thank you and God bless.
Atty. Divine
Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest